Trajneri i Barçës, Hansi Flick, dhe drejtori sportiv Deco kanë identifikuar se forcimi i pozicionit është një domosdoshmëri kyçe dhe kanë zgjedhur asin e Liverpoolit, Luis Diaz, si objektivin e tyre të preferuar. 28-vjeçari kolumbian është një lojtar që Deco e admiron shumë dhe mezi pret ta sjellë në skuadër te klubi katalanas.
Tani, sipas gazetarit Florian Plettenberg, bisedimet fillestare në lidhje me Barcelonën dhe Luis Diaz për një transferim gjatë verës kanë ndodhur tashmë. Anësori i Liverpoolit shihet si një objektiv kryesor për merkaton e ardhshme të transferimeve nga kampionët e La Ligës, pavarësisht kostos së mundshme të lartë të përgjithshme të marrëveshjes dhe problemeve të njohura të klubit me “Fair Play Financiar”.
Megjithatë, në të njëjtën kohë, Diaz po tërheq edhe interes konkret nga Arabia Saudite, gjë që mund ta ndërlikojë situatën. Ish-sulmuesi i krahut të Portos ka edhe dy vjet të mbetura në kontratën e tij me Liverpoolin dhe edhe pse vlera e tij në treg është 85 milionë euro, Barcelona pret që ai të jetë i disponueshëm për një tarifë prej rreth 65-70 milionë eurosh.
Lexo gjithashtu
