Në një nga konferencat më qesharake për shtyp të karrierës së tij, Cristiano Ronaldo foli edhe për rivalin historik, Lionel Messin. Pyetja e fundit u bë nga një gazetar me theks argjentinas dhe CR7 e ndaloi menjëherë:
"Po më pyet për Messin?”, tha ai. Dhe kështu ndodhi, edhe nëse kurioziteti i bashkëbiseduesit të tij ishte vetëm të zbulonte nëse në të ardhmen ekziston mundësia që dy kampionët më të mëdhenj të shekullit të 21-të të luajnë së bashku.
"Në rregull, shoku", filloi Cristiano, duke shkaktuar të qeshura nga të pranishmit. "E di që kam një dashuri të madhe për Argjentinën. Gruaja ime është me origjinë nga atje. Kam marrë ftesa për të luajtur në Kupën e Botës për Klube nga klubet argjentinase”.
Lidhur me mundësinë e të luajturit me Messin, Ronaldo nuk ka përjashtuar asgjë, edhe nëse ka shumë pak mundësi edhe për shkak të një çështjeje moshe: "Kurrë mos thuaj kurrë, por është shumë e vështirë. Më pëlqen shumë Argjentina.
Nuk kam qenë kurrë atje dhe do të doja të shkoja. Nuk kam një ekip të preferuar. Kam shumë dashuri për Messin. Kemi qenë në skenë së bashku për 15 vjet, isha përkthyesi i tij nga anglishtja në spanjisht gjatë mbrëmjeve gala”.
Lexo gjithashtu
