Vetëm dje ai arriti pikën e 350 ndeshjeve në stolin e Real Madridit. Në fund do të jenë 353, pastaj Carlo Ancelotti do t'u thotë lamtumirë të gjithëve dhe do të fillojë një aventurë të re.
Brazili e pret atë, i etur për të filluar punën me njeriun që Presidenti Ednaldo Rodrigues e ka quajtur "trajneri më fitimtar në botë”, sinonim i rezultateve historike.
Në karrierën e tij, fillimisht si futbollist dhe më pas si trajner, Ancelotti ka fituar një numër të jashtëzakonshëm trofesh. Ai fitoi 15 tituj, në dy periudha të ndryshme, në krye të Realit, duke u bërë kështu trajneri më i suksesshëm në historinë 123-vjeçare të klubit: 3 Champions, 3 Kupa Bote për Klube, 3 Superkupa Evropiane, 2 tituj La Liga, 2 Kupa të Mbretit dhe 2 Superkupa Spanjolle.
Ancelotti ka një rekord prej 247 fitoresh, 50 barazimesh dhe 53 humbjesh dhe është trajneri i dytë me më shumë ndeshje në krye të “Galaktikëve” pas legjendarit Miguel Munoz (605).
Më i suksesshmi në botë, më i dekoruari në historinë e Realit, të cilët me të kanë ngritur një Kupë çdo 21 ndeshje. Marrja e stafetës, edhe për një teknik të përgatitur mirë që ka arritur rezultate të shkëlqyera si Xabi Alonso , do të jetë një sipërmarrje e vërtetë.
Lexo gjithashtu
