Victor Wembanyama është rikthyer zyrtarisht te San Antonio Spurs pasi mbeti jashtë në muajin shkurt për shkak të trombozës së thellë venoze në shpatullën e djathtë. Lajmi u konfirmua të hënën nga vetë lojtari për “L’Equipe”.
21-vjeçari francez deklaroi: “Jam zyrtarisht i rikuperuar për t’u rikthyer”. Spurs e kanë konfirmuar se ai do të jetë gati për sezonin e ardhshëm në NBA.
Wembanyama u shpall “Rookie of the Year” në vitin 2024 dhe u përzgjodh në All-Star gjatë sezonit të kaluar. Ai më pas mbeti jashtë "parketit" më 20 shkurt pas dëmtimit në shpatull.
Basketbollisti qendror, 2.21 metra i gjatë regjistroi mesatarisht 24.3 pikë, 11 rikuperime dhe 3.8 bllokime në 46 ndeshje. Ai pritej të kthehej në shtator, por rikuperimi ndodhi më shpejt se sa parashikohej fillimisht.
Ditët e fundit, Wembanyama është parë në Las Vegas duke ndjekur ndeshjet e skuadrës në NBA Summer League. Ai po ndjek me interes paraqitjet e talenteve të rinj të Spurs.
Lexo gjithashtu
