Florent Hasani është larguar zyrtarisht nga Rapidi i Bukureshtit. Sulmuesi dhe klubi rumun vendosën që të shkëpusnin kontratën mes tyre, pas 1 viti bashkëpunim.
Hasani u transferua nga Tirana te Rapidi në janarin e vitit 2024. 27 vjeçari i kushtoi klubit rumun 300 mijë euro, por performancat e tij duket se nuk e kanë kënaqur “gjigantin” e Rumanisë.
Në 34 ndeshje të zhvilluara me fanellën e Rapidit, Hasani ka shënuar vetëm 1 gol dhe ka asistuar në 3 të tjerë. Ndërkohë që në njoftimin e ndërprerjes së bashkëpunimit, Rapidi i uron shqiptarit suksese në karrierën e tij.
“Klubi ynë ka arritur marrëveshje për të ndërprerë kontratën me Florent Hasanin, sulmuesin 27 vjeçar. I ardhur në vitin 2024 nga KF Tirana, nga pozicioni i golashënuesit më të mirë të Superligës shqiptare, Hasani nuk arriti të përshtatej, duke shënuar vetëm 1 gol. Ai gjithashtu ka dhënë edhe 3 asistime me fanellën e Rapidit. I urojmë suksese në karrierën e tij”, shkruan klubi rumun.
View this post on Instagram
Lexo gjithashtu
