Dejvid Kapllani kur luante me Kastriotin
Dejvid Kapllani nuk është më pjesë e Kastriotit, sulmuesi 23-vjeçar do të vazhdojë karrierën e tij si futbollist në skuadrën e Besës së Pejës. Këtë e kanë njoftuar vetë këta të fundit përmes një postimi në rrjetet sociale.
“Dejvid Kapllani ka një përshëndetje speciale për tifozët e FC Besa Peja, direkt nga bregdeti shqiptar, ku është bashkuar me stërvitjet e skuadrës.
Me ngjyrat tona verdh e zi në zemër, Dejvidi është gati për sfidat e reja dhe për t’ju dhuruar emocione të veçanta në sezonin që na pret.
Shikoni mesazhin e tij dhe në komente, uroni Dejvidit mirëseardhjen, ashtu siç dimë ne!”, shkruan klubi pejan.
Skuadra e Besës militon në ligën e dytë të futbollit kosovar në Grupin A, ku ndodhet në vendin e gjashtë të renditjes.
Poll
Lexo gjithashtu
