Përfaqësuesja e Kosovës në Futsall ka shënuar dje fitore në ndeshjen e dytë të kualifikueseve për Europianin 2026 në fazën ‘Main Round’ ose Raundi kryesor.
Pas disfatës si mysafirë në duelin me Gjeorgjinë me shifrat 3-1, 'Dardanët' e futsallit shkëlqyen në 'Pallatin e Rinisë dhe Sportit' në Prishtinë duke mposhtur Bullgarinë në derbi ballkanik me rezultat të thellë 6-2. Serinë e golave për Kosovën e nisi Ramadan Alaj, në minutën e 3-të për t'a vazhduar Ylli Mazreku, Shefki Kameri, Drilon Maxharaj, Malush Qerimi dhe Fitim Krasniqi teksa të dy golat për bullgarët i realizoi i njëjti autor Martin Stoykov, në minutat 13-të dhe 32-të.
Me këtë fitore, 'Dardanët 'konfirmuan formën e mirë dhe synimin për të vazhduar drejt objektivit madhor të kualifikimit në Euro 2026.
Lexo gjithashtu
