Kosova do të luajë përballë Turqisë të martën e 31 marsit, në kuadër të finales së “play-off” të Botërorit 2026. Fituesi i sfidës së “Fadil Vokrrit”, do të shkojë në Kupën e Botës.
Ndërkohë që 3 ditë para këtij dueli, ka folur sulmuesi Vedat Muriqi. Ky i fundit vlerëson maksimalisht Turqinë, për kualitetet që ka, por shton se fitorja mund të vijë edhe falë mbështetjes së tifozëve shqiptarë.
“Na ka mbetur edhe një hap i vogël për të arritur Kupën e Botës dhe për të shkruar histori. Është kulmi për çdo lojtar që përfaqëson shtetin e vet, të arrijë në një Botëror. Shpresoj ta realizoj këtë qëllim, që e kam edhe personal. Pastaj të japim lumturi për njerëzit anembanë Kosovës.
I dimë cilësitë e Turqisë. Është një ekip më i mirë se Sllovakia, por i njohim edhe pikat e dobëta të tyre. Do të japim maksimumin dhe me përkrahjen e tifozëve besoj se gjithçka do të jetë pak më e lehtë”, është shprehur sulmuesi Vedat Muriqi.
Lexo gjithashtu
