Shoku i Qazim Laçit tek Sparta e Pragës, Albion Rrahmani ka fituar një çmim të rëndësishëm ditën e djeshme. Krahas dhënies së trofeve ‘FIFA Best’, është mbajtur në Rumani ceremonia e përvitshme nga AFAN, ku shqiptari ka shkëlqyer edhe pse nuk është më pjesë e ligës rumune.
Rrahmani u shpall ‘Lojtari më i Mirë i Huaj’ i Superligës së Rumanisë për sezonin që shkoi. Kujtojmë që ‘dardani’ u transferua tek Rapi Bukureshti nga Ballkani, para se t’i bashkangjitej Tucit dhe Laçit.
18 golat e shënuar për ekipin kryeqytetas bën që Albioni të jetë një ‘bomber’ i vërtetë dhe të spikas në ligën e vendit ballkanas.
Sezoni impresionues që tashmë u kurorëzua dhe me vlerësim individual i hapi dyert Rrahmanit që të ngjis shkallët e suksesit në karrierë. Çekët e blenë lojtarin nga Kosova për një shifër rekord të klubit, 5 milionë Euro.
Lexo gjithashtu
