Llapi do të kërkojë me çdo kush titullin kampion vitin e ardhshëm, për të shkurorëzouar një herë e mirë Ballkanin, me ekipin nga Theranda që e fitoi për të 3-tën herë radhazi.
Për të arritur këtë synim, Llapi duhet të bëjë përforcime. Klubi llapjan ka bërë një goditje të bujshme, duke transferuar mesfushorin e njohur Blendi Baftiun. Fantazisti vendosiu të mbyllte aventurën e tij me Dritën, për të nisur një të re me Llapin e Batatinës.
Lajmin për transferimin e Blendi Baftiut e ka bërë të ditur vetë klubi llapjan me anë të një video në rrjetet sociale. “Le t'i dëshirojmë mirëseardhje në shtëpin tonë, yllit të ri”, shkruan Llapi për fantazistin.
26-vjeçari ishte një nga pikat kyçe të Dritës në sezonin që lamë pas, duke i ndihmuar ata të kapnin zonën europiane. Në 43 ndeshje, Baftiu ia ka dalë që të shënojë 10 gola dhe të asistojë në 5 të tjerë.
Kujtojmë që Baftiu është një emër i njohur në Superligën e Kosovës pasi ka luajtur me ekipe si Ramiz Sadiku, Prishtina, Flamurtari dhe Ballkani. Gjithashtu, Baftiu ka qenë pjesë edhe e Skënderbeut të Korçës U19 në sezonin 2015-2016.
View this post on Instagram
Lexo gjithashtu
