Holanda ia ka dalë të marrë fitore kundër Tunizisë dhe siguroi vendin e parë në Grupin F të Kupës së Botës 2026. “Tulipanët” triumfuan 3 – 1, ndërsa u shënuan nga 2 gola për pjesë.
Fillimisht në minutën e 3-të, mbrojtësi afrikan Skhirir “tundi” portën e tij, autogol. Pikërisht ky detaj ia bëri më të lehtë holandezëve, të cilët nuk vonuan dhe gjetën rrugën e rrjetës me Brobbey (minuta e 7-të).
Në fraksionin e dytë të përballjes, Tunizia hapi “llogaritë” përkohësisht me Mastouri, por kaq.
Van Hecke i vuri “kapak” ndeshjes në minutën e 62-të, 3 – 1 për “Tulipanët”, të cilët e mbyllin grupin në vendin e parë me 7 pikë pas 3 ndeshje, duke lënë në pozitën e 2-të Japoninë. Në raundin tjetër, Holanda do të gjejë Marokun, rivali që i hapi punë Brazilit në Grupin C.
Lexo gjithashtu
