FIFA ka dënuar mesfushorin e Katarit, Assim Madibo, me pesë ndeshje pezullim pas ndërhyrjes së ashpër që i shkaktoi një thyerje në këmbë lojtarit kanadez Ismael Kone gjatë Kupës së Botës 2026.
Madibo u ndëshkua me karton të kuq direkt në ndeshjen e fituar 6-0 nga Kanadaja ndaj Katarit në Vancouver, pasi ndërhyri nga prapa ndaj Kone në minutën e 51-të. Mesfushori kanadez u largua me barelë nga fusha dhe më pas iu nënshtrua një operacioni në këmbën e majtë.
Në një deklaratë zyrtare, Komiteti Disiplinor i FIFA-s bëri të ditur se pezullimi u vendos për “lojë të rëndë të paligjshme”, duke shtuar se vendimi mund të apelohet.
Pavarësisht incidentit, Madibo i kërkoi falje personalisht Kone-s pas përfundimit të ndeshjes. Megjithatë, ky nuk është pezullimi më i rëndë në historinë e Botërorëve, pasi Luis Suarez u dënua me nëntë ndeshje pezullim dhe katër muaj larg futbollit për kafshimin e Giorgio Chiellinit në Botërorin e vitit 2014.
Lexo gjithashtu
