Të shtunën, Erling Haaland shkëlqeu sërish duke shënuar një tregolësh në fitoren 5-0 të Norvegjisë ndaj Izraelit në ndeshjet kualifikuese për Kupën e Botës 2026. Me golat në minutat 27’, 63’ dhe 72’, ai e çoi në 12 numrin e golave të tij në këto kualifikuese.
Sulmuesi i Manchester City po udhëheq një seri mbresëlënëse prej gjashtë fitoresh radhazi për Norvegjinë.
Ky tregolësh vjen pas pesë golave që ai realizoi në fitoren 11-1 ndaj Moldavisë, duke e bërë atë lojtarin e parë që nga Hans Krankl në vitin 1977 që arrin një arritje të tillë në kualifikueset evropiane.
Pas këtij suksesi, Haaland ka arritur në 51 gola me kombëtaren norvegjeze në vetëm 46 ndeshje, një ritëm më i shpejtë se legjenda si Neymar, Kylian Mbappe, Harry Kane, Robert Lewandowski, Lionel Messi dhe Cristiano Ronaldo.
Sipas Opta-s, ai ka arritur shifrën e “gjysmës së shekullit” 25 ndeshje më herët se Kane, ndërsa Mbappé dhe Lewandowski kishin nevojë për 90 ndeshje për të njëjtin rekord.
Lexo gjithashtu
