Përfaqësuesja e Kosovës ka marrë një barazim të merituar kundër Zvicrës në stadiumin “Fadil Vokrri”. Pjesa e parë nuk pati shumë raste nga të dyja kampet, ndërsa 45 minutat e dyta dhuruan të tjera “ngjyra”.
Në minutën e 47’ sulmuesi Vargas kaloi në epërsi “helvetët”, pas “përgjumjes” në prapavijën e Kosovës. “Dardanët” e patën të vështirë për ta “përtypur” këtë moment. Megjithatë, me kalimin e minutave, ekipi i Franco Foda rriti “dozat” ofensive.
Goli i barazimit erdhi nga Muslija në minutën e 74, konkretizim fenomenal. Kapiteni i Zvicrës Granit Xhaka ishte në fushë për 75 minuta, i cili jo në ditën e tij më të mirë. Mbrojtësi Lumbardh Dellova mori notën më të lartë nga “SofaScore”, 7.9.
Ky takim vlejti për kualifikueset e “Botërorit 2026”. Kosova tashmë do pres datën 20 nëntor ku do të hidhet shorti për fazën “play-off”, teksa Zvicra shkon automatikisht se lider i Grupit B.
KOSOVË – ZVICËR 1 – 1 (Muslija 74'/Vargas 47')
90+4' - Përfundon ndeshja Kosovë - Zvicër me rezultatin 1 - 1.
74' - Mesfushori Muslija "shkund" rrjetën e Zvicrës, gol i jashtëzakonshëm për nga teknika.
68' - Zhegrova rrëzohet brenda zonës, asnjë për arbitrin italianë Davide Massa.
47' - Mbrojtja e Kosovës në "gjumë", sulmuesi Vargas kalon në epërsi Zvicrën
46' - Nis pjesa e dytë
45+1' - Mbyllet pjesa e parë 0 - 0.
38' - Sulmuesi Vedat Muriqi humb rast flagrant me kokë, gabon në "shënjestër".
25' - Ndeshje e "vakët" në raste para porte.
14' - Silvan Widmer rrëzohet në zonën e rreptësisë, por për arbitrin Massa nuk ka penallti.
1’ – Starton ndeshja në “Fadil Vokrri”.
Kualifikueset e Botërorit
Grupi B, ndeshja e 6-të (e fundit)
Stadiumi: “Fadil Vokrri”
Arbitër: Davide Massa
FORMACIONET ZYRTARE
Kosovë (4-4-2): Murici; Gallapeni, Aliti, Rrahamni, Dellova; Muslija, Hoxha, Rexhbecaj, Vojvoda; F.Asllani, Muriqi.
Trajner: Franco Foda.
Zvicër (4-3-3): Kobel; Rodriguez, Akanji, Elvedi, Ëidmer; Soë, Aebischer, G.Xhaka; Manzambi, Embolo, Vargas.
Trajner: Murat Yakin.
Lexo gjithashtu
