Ditën e sotme në Washington DC është mbajtur hedhja e shortit për Kupën e Botës 2026. Janë përcaktuar 12 grupet me kombëtaret pjesëmarrëse, ku kanë shanse të jenë mes 48 shteteve pjesëmarrëse edhe Shqipëria me Kosovën.
Argjentina si kampione në fuqi e Botërorit është shortuar në Grupin J, së bashku me Algjerinë, Austrinë dhe Jordaninë, rivalë të kalueshëm për ekipin e Scalonit.
Portugalia me në krye Cristiano Ronaldon ndodhen në Grupin K, në prezencën e Uzbekistanit, Kolumbisë dhe fituesit të “Play-Off” mes Republikës Demokratike të Kongos e Xhamajka – Kaledonia e Re.
Skenari mëse i mundshëm është që Portugalia dhe Argjentina t’i përfundojnë grupet respektivie të parat, kësisojë do i mundësojë përballjen e shumëpritur CR7 – Messi në një Kupë Bote, e cila me shumë gjasa do të jetë e fundit për të dy.
Lexo gjithashtu
