Angel Correa nuk është më pjesë e Atletico Madrid. Futbollisti argjentinas ka arritur një marrëveshje me skuadrën meksikane të Tigres UANL. Sulmuesi numëron me “kushërinjt” e Real Madrid 469 ndeshjesh në totalë, duke u bërë lojtari i dytë i huaj me më shumë prezenca në ekip.
Correa iu bashkua skuadrës së Diego Simones në janarin e vitit 2015 nga San Lorenzo. Ja mesazhi klubit të Ateltico Madrid: “Klubi ynë dhe Tigres UANL kanë arritur një marrëveshje për transferimin e Angel Correa në klubin meksikan. Sulmuesi argjentinas përballet kështu me një sfidë të re në karrierën e tij dhe përfundon një seri prej dhjetë sezonesh e gjysmë me fanellën kuqezi.
Gjatë kësaj kohe, ai ka luajtur 469 ndeshje zyrtare për ekipin tonë, duke u bërë lojtari i gjashtë (dhe i huaji i dytë) me më shumë paraqitje në historinë e klubit. Atletico Madrid dëshiron të falënderojë Angel Correa për përkushtimin dhe angazhimin që ka treguar gjatë gjithë këtyre viteve në klubin tonë dhe i uron fat të mbarë në përpjekjet e tij të ardhshme personale dhe profesionale”.
Lexo gjithashtu
