Santiago Mouriño është futbollisti më i ri i Atletico Madrid. Qendërmbrojtësi 23-vjeçari vendosi që të largohej nga Alaves, për të nisur një aventurë të re me “Los Colchoneros”.
Me këta të fundit, Santiago Mouriño do të firmosë një kontratë 5-vjeçare, pra të vlefshme deri në verën e vitit 2030. Ndërkohë që për të siguruar shërbimet e tij, Atletico ka shpenzuar 5 milionë euro bashkë me bonuset.
23-vjeçari uruguajan e ka nisur karrierën në vendlindje me Nacional, për të luajtur më pas me Racing Club. Gjithashtu ka luajtur ehde për Real Zaragoza, ndërsa te Atletico është një rikthim.
Ai ka luajtur për “Los Colchoneros”, tek të cilët ka qëndruar vetëm 1 muaj. Ai u dërgua në huazim dhe më pas u shit për shkak se nuk bindi trajnerin Simeone dhe drejtuesit.
Lexo gjithashtu
