Dita e prezantimit për Xabi Alonson te Real Madrdi ka ardhur. Ceremonia klasike, e përjetuar gjithmonë nga trajnerët e rinj të Real Madridit, po zhvillohet pikërisht tani. Ish-trajneri i Bayer Leverkusen e hapi fjalimin e tij me fjalët e mëposhtme: "Mirëmëngjes të gjithëve. Pa dyshim, kjo është një ditë shumë e veçantë për mua, një ditë që do ta shënoj në kalendarin tim për gjithë jetën time. Jam vërtet i lumtur që ndodhem këtu, në atë që e konsideroj shtëpinë time.
Lidhja me Real Madridin nuk është lëkundur kurrë dhe, që kur hyra në Valdebebas një orë e gjysmë më parë, kjo ndjenjë është rilindur tek unë. Kam një ndjesi se ky është fillimi i një epoke të re. Florentino, të falënderoj sinqerisht për besimin tënd. Mendoj se tifozët e Real Madridit janë të entuziazmuar që të nisin këtë fazë të re, për t'u rritur dhe për ta bërë historinë e këtij klubi edhe më të madhe.
Një falënderim i veçantë shkon edhe për familjen time, e cila është gjithmonë pranë meje. Para se të filloj të flas për këtë aventurë të re, dua të kujtoj fazën që sapo ka mbaruar. Carlo Ancelotti ishte trajneri im, një person fantastik me një ndikim të madh. Pa udhëzimin e tij, ndoshta nuk do të isha këtu. Unë marr vendin e tij dhe vazhdoj trashëgiminë e tij me nder dhe krenari të madhe.
Shpresoj të përmbush pritshmëritë dhe ta çoj klubin aty ku besojmë se mund të arrijmë. Po hyjmë në një epokë të re ku ndiej se klubi dhe tifozët janë të bashkuar. Ne kemi një ekip fantastik, me lojtarë të jashtëzakonshëm dhe potencial të madh. Kjo më jep motivimin për të qenë këtu me kaq shumë energji dhe entuziazëm. Jemi të bindur se mund të arrijmë objektiva të rëndësishëm, të denjë për Real Madridin.
Duam t’i bëjmë tifozët krenarë, t’u përcjellim emocione dhe gëzim. Ne duam që njerëzit të vijnë në stadium për t'u argëtuar. Nëse mund ta ndezim këtë pasion, do të kemi një forcë të pandalshme. Jemi të bindur se mund të arrijmë gjëra të mëdha. Një mijë faleminderit. Rroftë Madridi!”.
Lexo gjithashtu
