Vinicius Junior ishte lojtari i ndeshjes për Real Madridin, pasi këta të fundit mposhtën në transfertë Espanyolin në shifrat 2-0.
Sulmuesi shënoi dy gola për pjesë për “Mbretërorët” duke i sjellë tri pikë të vyera për ecurinë në kampionat. Ky sukses mjaftoi që rivali i tyre i përjetshëm të shtyjë edhe për pak kohë festën si kampionë të La Liga-s për këtë edicion, ndërsa pritet përballja direkte mes tyre në atë çfarë dashamirësit e futbollit e quajnë, El Classico.
Pas sfidës, Vinicius bëri një postim në rrjete sociale, referuar fitores ku ai pati ndikimin vendimtar për madrilenët dhe ajo çfarë vihet re janë komentet e shumta të ardhura në adresën e tij, ku mes tyre është dhe ish-sulmuesi dhe fituesi i Topit të Artë, Karim Benzema.
“1-shi”, shkruan francezi për ish-shokun e tij të skuadrës që saktëson potencialin e dukshëm dhe rëndësinë e tij për një klub si Reali. Po ashtu, nuk mungojnë as vlerësimet nga Jude Bellingham, Endrick, Fran Garcia si dhe Lucas Vasquez.
Lexo gjithashtu
