Lamine Yamal është padyshim një nga futbollistët që ka marrë vemëndjen kryesorë që pas Euro 2024. Talenti i Barcelonës cilësohet si një lojtar me aftësi të rralla, teksa nuk mungojnë as krahasimet me Leo Messin. Por, është portieri gjerman i katalanasve, Marc-André ter Stegen i cili kërkon të mbajë me këmbë në tokë 17-vjeçarin, duke theksuar se nuk mund të krahasohet me Messin.
“Ne duhet t’i japim meritat Xavit, i cili është ai që i dha mundësinë. Ka diçka të veçantë tek ai. Shpresoj të mbajë “këmbët në tokë”, të mos dëgjojë lëvdata dhe të mendojë për momentin, që të vazhdojë të punojë për ekipin. Ai ka ende vend për përmirësim, është shumë i ri, sapo ka filluar.
Është rritur edhe fizikisht. Lamine e di se mund të mbështetet tek unë për çdo gjë që i nevojitet. Krahasimi me Messin? Nuk mund të krahasohen. Natyrisht që ne na mungon Leo. Si futbollist është unik, mund ta shihni në çdo ndeshje, gjithmonë në nivelin më të lartë. Ai është më i miri i të gjitha kohërave”, ishin fjalët e Ter Stegen.
Lexo gjithashtu
