Ka përfunduar në barazimin 1-1, ndeshja e parë mes Aluminij dhe Dinamos, e vlefshme për raundin e dytë të kualifikueseve të Conference League.
Dy gola të shënuar në stadiumin e Mariborit, ku pjesën më të madhe të lojës e dominoi ekipi i Ilir Dajës. Epërsia për dinamovitët erdhi në minutën e 15-të kur sulmuesi Hekuran Berisha gjendet në momentin e duhur për të shfrytëzuar një gabim në prapavijën sllovene.
Në të 21-tën, provon Eridon Qardaku nga një goditje dënimi, por përpjekja nuk kërcënon portën e Raduhas. Me fillimin e pjesës së dytë, ndeshja ndërpritet, për shkak të kushteve atmosferike, duke bërë që skuadrat t’i drejtoheshin dhomave të zhveshjes për disa minuta.
Me rikthimin në lojë, “djemtë” e Ilir Dajës vazhdojnë me rastet për shënim, përmes Eridon Qardakut që ndalet nga shtylla në të 70-tën minutë, përpara se një minutë më vonë të provojë Fabjan Përdreca, me topin që përfundon sërish larg me katërkëndëshin e portës.
Dhe kur nuk shënon do pësosh. Mesfushori i sllovenëve Vrbaneck shënon të baraspeshës në minutën e 83-të.
Pak minuta para fundit të ndeshjes, Isi Manellari shpërdoron shansin e artë për golin e dytë, duke bërë që ndeshja e parë të mbyllet në baraspeshë, me Dinamon që ka ende shpresë për kualifikimin më tutje në takimin e kthimit.
Aluminij 1-1 Dinamo (Vrnabec 83'/ Berisha 15')
UEFA Conference Leaugue: Ndeshja e parë (Raundi i dytë)
Stadiumi: "Ljusdski Stadion"
Arbitër kryesor: Ivar Orri Kristjansson (islandez)
FORMACIONET ZYRTARE:
ALUMINIJ (3-5-2): Raduha; Simunic, Boben Schaubach; Kodernamn, Vrbanec, Jagic, Taylor, Tezak, Susso, Osuji. Trajner: Jura Rasic.
DINAMO (3-5-2): Teqja; Ismaili, Dita, Aliji, Përndreca, Vila, Manellari, Qefalia, Ruci, Qardaku, Berisha. Trajner: Ilir Daja.
NDESHJA
Përfundon ndeshja Aluminij 1-1 Dinamo.
90'+5 Çfarë shansi humb Isi Manellari, për golin e fitores së Dinamos.
83' GOL ALUMINIJ! Shënon Vrbanec.
71' Sërish Dinamo i shkon pranë golit, këtë herë provon Fabjan Përndreca.
70' Çfarë shansi për golin e dytë të Dinamos, Eridon Qardakun e ndal shtylla për "festën".
57' Provon Eridon Qardaku nga distanca, por topi devijohet nga mbrojtësi dhe shkon në këndore.
Rinis Aluminij - Dinamo.
Qetësohet situata atmosferike në stadium, skuadrat futen në fushë për rinisjen e ndeshjes.
54' Ndërpritet ndeshja mes Aluminij dhe Dinamos. Shkak bëhet situata atmosferike, lojtarët shkojnë drejt dhomave të zhveshjes.
Nis pjesa e dytë.
Mbyllet pjesa e parë, Aluminij 0-1 Dinamo.
21' Provon Eridon Qardaku nga goditja e dënimit, topi shkon ngjitur me shtyllën.
15' GOL DINAMO! Shënon Hekuran Berisha.
10' Tenton Lorenzo Vila, por goditja e tij nuk është më e mira e mundshme.
1' Shkelmohet topi i parë në Slloveni, starton sfida mes Aluminij dhe Dinamos.
