Një ngjarje e rëndë ka ndodhur pasditen e djeshme në Nigeri, ku një autobus u aksidentua, duke lënë të vdekur 21 sportistë. Këta të fundit po ktheheshin nga një turne sportiv ndërkombëtar, por gjithçka u kthye në tragjedi.
Sipas autoriteteve nigeriane, aksidenti mund të ketë ardhur si pasojë e lodhjes së shoferit, por nuk përjeshtohet as shpejtësia e lartë. Korpusi Federal i Sigurisë Rrugore (FRSC) tha se aksidenti mund të ketë ndodhur për “si shkak i lodhjes dhe shpjetësisë së tepërt”, pasi shoferi kishte udhëtuar gjatë gjithë natës.
Ndërkohë që atletët po ktheheshin në veri të Nigerisë, Kano, nga Festivali i 22-të Kombëtares i Sporteve. Ky aktivitet ishte mbajtur rreth 1,000 kilometra në jug, në shtetin Ogun.
Vlen të përmendet se në Nigeri ndodhin shumë shpesh aksidente automoblistike. Shkak i tyre është shpejtësia e lartë dhe mosrespektimi i rregullave të trafikut. Plot 9,570 aksidente rrugore u regjistruan vitin e shkuar në Nigeri, ku sipas të dhënave të FRSC çuan në vdekjen e 5,421 personave.
Lexo gjithashtu
