Ekipi i Vorës ka bërë të ditur në rrjetet sociale se ka arritur marrëveshjen me mbrojtësin 21-vjeçar nga Nigeria, emri i të cilët është Chibuike Prestige Ohaegbulam. Futbollisti nigerian mbulon detyrën e qendrës në prapavijë.
Në një hulumtim te mediumi ekspert i vlerës së lojtarëve, “Transfermarkt”, kartoni i tij nuk ka të përcaktuar një çmim, çka do të thotë se është ende “anonim”. Skuadra e Vorës i thur elozhe Ohaegbulam, teksa e vlerëson si një mbrojtësin më të mirë në kampionatin nigerian:
“Futboll Klub Vora njofton me kënaqësi afrimin e mbrojtësit 21-vjeçar Chibuike Prestige Ohaegbulam, i cili i bashkohet skuadrës sonë nga ekipi i elitës Nigeriane Ikorodu City FC. Mbrojtësi i talentuar është vlerësuar si një nga mbrojtësit më të mirë të kampionatit nigerian, falë fizikut, leximit të lojës dhe grintës në fushë.
Një përforcim me shumë potencial për repartin tonë defensiv, ndërsa klubi vijon të ndërtojë një skuadër konkurruese për objektivat e sezonit që po vjen. Lojtari pritet t’i bashkohet skuadrës në vazhdim, pasi është në pritje të pajisjes me vizë”.
View this post on Instagram
Lexo gjithashtu
