Klubi i Dinamos sapo ka njoftuar largimin e tre futbollistëve. Kryeqytetasit përmes një postimi në "Instastory" në Instagram, bëjnë të ditur se Saliou Guindo, Andre Teixeira dhe Dejvi Bregu nuk do të jenë më pjesë e skuadrës për sezonin e ardhshëm.
Lojtarëve iu mbaronte kontrata në përfundimin e këtij sezoni që sapo lamë pas, me palët që kanë vendosur të ndajnë "udhët". Kujtojmë se Dejvi Bregu e ka bërë fakt të kryer zgjedhjen e tij, pra kalimin në Arabinë Saudite, ashtu siç raportoi "Newsport.al" ditën e djeshme. Megjithatë, klubi i ri i anësorit nuk bëhet ende i ditur.
-
EKSKLUZIVE/ Bie pista e Teutës, Dejvi Bregu zgjedh klubin e ri
6 Korrik, 19:32
Sa i përket statistikave gjatë sezonit, Bregu u paraqit në 34 ndeshje, duke shënuar 10 gola dhe asistuar 4 të tjerë. Sakaq, Guindo, e gjeti rrugën e rrjetës 4 herë në 14 aktivizime gjithsej, ndërsa qendërmbrojtësi Teixeira u paraqit 28 ndeshje, duke kontribuar me 3 gola.
Lexo gjithashtu
