Një përmbysje për të mundësuar suksesin historik përballë Malit të Zi. Kombëtarja e vajzave bëri "çmendurinë" në ndeshjen e tretë të kualifikuesve të Botërorit 2027, duke mposhtur rivalet malazeze me rezultatin e thellë 5-2.
Pas kësaj përballje, ka folur edhe trajneri Armir Grima në një prononcim për kanalin e FSHF TV.
“Jam jashtëzakonisht shumë i lehtësuar. Realisht isha edhe pak edhe në siklet para ndeshjes sepse një kundërshtar kur e mund njëherë duket sikur hera e dytë ka për të qenë thjeshtë, por realisht siç erdhën punët na doli një ndeshje shumë e vështirë, pavarësisht se e mbyllëm me shumë sukses.
Besoj se të gjitha këto bashkë janë merita e vajzave për të cilat gjej rastin ti falenderoj shumë, për atë që kanë dhënë, për mundin, për djersën e tyre, për sakrificat që kanë dhënë në këto ndeshje. Kemi marrë pikë të çmuara, pavarësisht se ndoshta kemi lënë edhe pikë që është dashur për t’i marrë”, ka thënë Grima.
Lexo gjithashtu
