Me ardhjen e Ivan Gvozdenovic në stolin e Skënderbeut, ekipi është ringjallur dhe po korr suksese duke lënë pas periudhën negative. Në pesë ndeshjet e fundit janë marrë plot 13 pikë nga 15 gjithsej dhe korçarët janë ngjitur në vendin e dytë, 4 pikë pas Dinamos.
Pikërisht ndaj bluve do të luhet ndeshje e rradhës, ditën e hënë në orën 13:00 në Selman Stërmasi për javën e 15-të të Kategorisë së Parë. Skuadra është e fokusuar totalisht për këtë ndeshje ku fitorja është detyrim nëse duan të garojnë për titullin kampion.
Trajneri Gvozdenovic po punon për planin anti-Dinamo dhe peng e mban një futbollist. Oltion Rapa është rikuperuar nga dëmtimi por gjendja e tij nuk është akoma optimale. Mbrojtësi projektohet si titullar nëse ia del të jetë i gatshëm por nëse jo, vendin e tij pritet ta marrë Randy.
Lexo gjithashtu
