Australia, "Botërori i Druvarëve"
Australia ka fituar për herë të gjashtë radhazi titullin botëror ekipor në garën e çarjes së druve, “Stihl Timbersports”. Evenimenti u zhvillua në Milano, ku skuadrat u përballën në katër disiplina të fuqisë dhe shpejtësisë, nga sharrimi me motor deri te prerja me sëpatë.
Në finale, ekipi australian “Chopperoos” dominoi sërish, duke regjistruar kohën më të mirë prej 47,45 sekondash, gati dhjetë sekonda më shpejt se Suedia që mori vendin e dytë. Ky sukses shënon medaljen e dhjetë të artë për Australinë në historinë e garës.
Në duelin për vendin e tretë, Polonia siguroi medaljen e bronztë pas një performance mbresëlënëse kundër Zelandës së Re. Polakët përfunduan sfidën me kohën 53,55 sekonda, duke lënë rivalët pas me 59,58 sekonda.
Poll
Lexo gjithashtu
