Pas humbjes 1-5 kundër Partizanit, zv.trajneri i Teutës, për Supersport deklaroi se: "E kishim përgatitur ndeshjen që të merrnim një pikë të paktën, por nuk ia dolëm. Ndeshja jonë është ajo kundër Flamurtarit javën e ardhshme, që është kundërshtari ynë direkt për mbijetesë.
Dita dhe Hila kanë pasur probleme me dëmtimet dhe i kemi ruajtur për të mos rrezikuar. Sykaj nuk luajti sepse ka pasur dy kartonë të verdhë dhe rrezikonte të merrte një tjetër karton sot, çka do ta penalizonte për ndeshjen e ardhshme".
Ndërkohë që trajneri Magani nuk doli në konferencë për shtyp. I pyetur nga gazetari i Supersport, zv.trajneri i Teutës deklaroi se Magani ka pasur probleme shëndetësore me dhëmbët një ditë para sfidës kundër Partizanit, madje ka kaluar një natë aspak të qetë për shkak të këtij problemi.
Lexo gjithashtu
