Skuadra e Vllaznisë ka arritur të sigurojë kualifikimin për gjysmëfinalen e Kupës së Shqipërisë. Të besuarit e Edi Martinit mposhtën edhe në ndeshjen e dytë Bylisin, kësaj radhe me shifrat 2 – 1, ndërsa rezultati i përgjitshëm përkoi 3 – 1.
Të 3 golat e ndeshjes së sotme erdhën në pjesën e parë. Goleadori Bekim Balaj hapi serinë e finalizime me eurogolin në minutën e 34-të.
Pas 4 minutash, Bylis vendosi ekuilibrat falë Olavio. Në “frymën e fundit” të pjesës së parë, shkodranë shënuan sërish, kësaj radhe prej kaosit të shkaktuar në mbrojtjen e ballshiotëve, goli i Pusi.
Gjatë fraksionit të dytë, dalja me karton të kuq nga Adeduro dhe rasti flagrant i humbur prej Pedros, i dha fund shpresave për një përmbysje të madhe në “Loro Boriçi”.
Vllaznia 2 – 1 Bylis (Balaj 34', Pusi 44'/Olavio 38') (Ndeshja e Parë 1 – 0)
90' - Përfundon ndeshja Vllaznia - Bylis 2 - 1.
63' - Adeduro ndëshkohet me karton të kuq, pas ndërhyrjes "horror" ndaj Yagos.
55' - Trajneri Mirel Josa "nuk iu beson syve", Pedro humb rast me portën bosh.
46' - Nis pjesa e dytë.
45+1' - Mbyllet pjesa e parë.
44' - Ekipi ballshiot në kaos, pësojnë golin e dytë.
38' - Bylis nuk humb kohë, barazon shpejtë me Olavio.
34' - Vjen goli i parë i ndeshjes, "magjik" Bekim Balaj.
22' - Bekim Balaj "fal" Bylisin, humb rast "flagrant" për gol përballë portierit Ozols.
4' - Kevin Dodaj pretendon për penallti, arbitri e ndëshkon me karton të verdhë.
3' - Bylis vendos në "panik" mbrojtjen shkodrane, pret "mrekullisht" portieri Jukaj.
1’ – Shkelmohet topi i parë në “Loro Boriçi”.
FORMACIONET ZYRTARE
Vllaznia: Jukaj; Pusi, Çelikoviç, Jago, Kuro, Tafili, Dros, Sala, Dodaj, Balaj, Kastrati
Trajner: Edi Martini
Bylis: Ozols; Radu, Kane, Olavio, Përndreca, Adeduro, Kamara, Dimov, Tomas, Marku, Vieira
Trajner: Mirel Josa
Kupa e Shqipërisë: Çerekfinale
Stadiumi: “Loro Boriçi”
Arbitër: Egli Spahiu
Lexo gjithashtu
Çerekfinalja e kthimit me Teutën, Egnatia zbulon çmimet e BILETAVE
Nis festa tek tifozët e Tiranës, shkak bëhet klubi i Dinamos (POSTIMI)
