Dinamo ia doli të triumfonte përballë Egnatias me shifrat 3-2 në finalen e Kupës së Shqipërisë. Kështu, dinamovitët “korrin” këtë trofe për herë të 15-të në histori.
Por kjo sfidë u mbyll me tensione të mëdha, për shkak të një veprimi të trajnerit Ilir Daja. Në aksionin e fundit të rrogozhinasve, tekniku i dinamovitëve shkelmoi një top që ishte rivënie anësore për Egnatian.
Kjo solli irritimin e kampit të Egnatias dhe arbitri Enea Jorgji nxorri me karton të kuq teknikun Daja. Ky i fundit u nervozua pamasë dhe u deshën pjesëtarët e stafit të Dinamos që ta shoqëronin në dhomat e zhveshjes.
Ky episod solli edhe pakënaqësinë e Nevil Dedes pas ndeshjes, i cili tha se Jorgjit i mori dy minuta kohë situata me Ilir Dajën, por e zëvendësoi me 40 sekonda shtesë. Po pas duelit, ishte edhe Ilir Daja që “sulmoi” Jorgjin.
Lexo gjithashtu
SPECIALE/ 5 arsye pse Egnatia rikthen Kupën në Rrogozhinë
SPECIALE/ 5 arsye pse Dinamo fiton Kupën përballë Egnatias në Tiranë
