Kombëtarja e Kosovës ka pësuar humbje në ndeshjen miqësore ndaj Çekisë, e zhvilluar në Pragë. Ndeshja përfundoi me rezultatin 2-1 në favor të vendasve, të cilët siguruan avantazhin që në pjesën e parë.
Çekët kaluan në epërsi në minutën e 12-të me Tomas Ladra, ndërsa më pas Adam Hlozek dyfishoi shifrat në minutën e 32-të. Kosova hasi vështirësi për të krijuar raste të pastra shënimi gjatë pjesës së parë dhe shkoi në pushim me dy gola disavantazh.
Në pjesën e dytë, dardanët reaguan dhe arritën të ngushtonin rezultatin me anë të Lidon Emerllahut, por nuk mjaftoi për të shmangur humbjen. Trajneri Franco Foda shfrytëzoi këtë përballje për të testuar disa alternativa në formacion dhe për t’u dhënë hapësirë lojtarëve të ndryshëm.
Pavarësisht rezultatit negativ, ndeshja shërbeu si një provë e rëndësishme për Kosovën kundër një kundërshtari cilësor që po përgatitet për Kupën e Botës 2026.
Lexo gjithashtu
