Në Angli ditën e sotme do të luhet edhe gjysmëfinalja e parë e Fa Cup. Duke nisur që nga ora 18:15 Manchester City dhe Chelsea do të vihen përballë në “Wembley Stadium”.
Një duel ‘titanësh’ mes dy ekipeve që kërkojnë trofeun. Manchester City shihet si skuadra më favorite për të triumfuar në këtë përballje, ndërsa kanë në disfavorin e tyre lodhjen fizike dhe psikologjike pas eleminimit në Champions nga Real Madrid.
Ndërkohë nga krahu tjeetër “Blutë” po zhvillojnë një sezon shumë zhgënjyes dhe trofeun e FA Cup e shikojnë si “shpëtimin” e sezonit. Një ndeshje spektakolare pritet të jetë në “Wembley”, ku ekipi i Pep Guardiolës kërkon të hedhë prapa krahëve zhgënjimin në Champions. Të dyja skuadrat synojnë fitoren për të qenë në finalen e madhe të këtij kompeticioni.
