Presidenti i Lille, Oliver Letang ka reaguar ashpër në lidhje me zërat për një marrëveshje të arritur mes Marseille dhe Edon Zhegrovës. 52-vjeçari shprehte i habitur nga qasje e klubit rival, ku ata nuk janë informuar për një transferim të lojtarit shqiptar.
“Jam i habitur që mund të ketë një marrëveshje mes Zhegrovës dhe Marseille. Ne nuk kemi asnjë kontakt me ata. Rregullat janë mjaft të qarta, ndalohet të kontaktohet një lojtar pa kërkuar më parë leje nga klubi me të cilin ai është nën kontratë.
Unë nuk kam marrë asnjë kërkesë nga Marseille për të folur me lojtarin tim. Ka rregulla në jetë dhe sjellje që duhet të respektohen. Kam dëgjuar sot në mëngjes që trajneri i Marseille ka folur me lojtarin tim. Është befasuese, por nuk është hera e parë që befasohemi nga Marseille”, është shprehur Letang në një prononcim për klubin e Lille.
Lexo gjithashtu
