Stavros Demosthenous, presidenti i klubit të futbollit Karmiotissa në Qipro, është ekzekutuar këtë të martë në një atentat mafioz. Autori ende i paidentifikuar hapi zjarr jashtë shtëpisë së tij dhe 49 vjeçari vdiq teksa djali i tij u përpoq ta çonte me makinë në spital.
Karmiotissa garoi në divizionin e parë sezonin e kaluar dhe ra në divizionin e dytë në sezonin aktual. Ajo ka luajtur kryesisht në divizione më të ulëta që nga themelimi i saj në vitin 1979.
Autoritetet vendase thonë se i dyshuari po drejtonte një motoçikletë kur hapi zjarr ndaj Stavros Demosthenous jashtë shtëpisë së tij në lagjen Ayios Athanasios ndërsa po hipte në makinën Rolls-Royce Wraith. Djlai i tij 20 vjeçar u përpoq ta çonte në spital me shpejtësi, por është përplasur me tre makina të tjera në autostradën Limasol.
Autostrada mbetet e mbyllur dhe kërkimet vazhdojnë për autorin e arratisur të vrasjes së presidentit 49 vjeçar. Ngjarja e rënë ka shkaktuar tashmë ndërprerje në futbollin lokal, me ndeshjen e sotme Karmiotissa kundër ASIL që është shtyrë, raporton gazeta Kathimerini.
Jashtë futbollit, Stavros Demosthenous drejtonte DEMOCARS, një shoëroom makinash luksoze me seli në Limasol i specializuar në marka të nivelit të lartë si Maserati, Aston Martin, Rolls-Royce, McLaren, Bentley dhe Tesla.
Policia dhe shërbimet e emergjencës iu përgjigjën menjëherë sulmit kurse autoritetet kanë rrethuar zonën dhe kanë nisur një hetim për vrasje, duke e konsideruar atë që duket të jetë një atentat i qëllimshëm.
Ekipet e mjekësisë ligjore po shqyrtojnë aktualisht vendin e ngjarjes dhe policia po bën thirrje për dëshmitarë që mund të kenë informacione rreth incidentit ose të dyshuarve të përfshirë.
Lexo gjithashtu
