Edhe pse gjithë “prozhektorët” janë drejtuar nga Vllaznia e trajneri Edi Martini, Teuta e Enkeleid Dobit është duke i dhënë “leksion” ekipeve që është përballur.
Ekipi durrsakë pësoi “revolucion” nga presidenca, trajneri e lojtarët, e ku u hodh ideja se synimi i bregdetarëve për këtë sezon do të ishte mbijetesa, por deri tani ka rezultuar “hipotezë” e gabuar.
Fakti që nuk e njohin humbjen, pavarësisht se janë përballur me Partizanin, Dinamon, Vllazninë, Elbasanin apo Tiranën është dëshmi se ata nuk janë rastësisht në distancë jo të largët me kreun.
Ndeshja e radhës është nesër me Falmurtarin në stadiumin “Niko Dovana”. Fitorja e Teutës sipas basteve karshi ekipit vlonjatë konsiston me koeficientin 1.70, kundrejt 4.50 të Flamurtarit, ndërsa barazimi 3.25. Në këtë “panoramë”, grupi i Enkeleid Dobit i ka të “sigurta” 3 pikët.
Lexo gjithashtu
