Me lëvizjet që priten të ndodhin në merkaton e janarit, zyrtarizimi më i fundit është mesfushori Kamer Qaka tek ekipi i Partizanit. Ish-lojtari i kombëtares ka firmosur me Partizanin një kontratë e cila do do të jetë e vlefshme për një vit e gjysmë.
30-vjeçari i bashkohet Partizanit pas eksperiencës pozitive te Shkëndija e Tetovës, skuadër me të cilën fitoi edhe 2 tituj kampion.
Në një kohë kur emri i tij ishte i shumë përfolur për një transferim të mundshëm tek ekipi i Tiranës, mesfushori befasoi të gjithë tifozët me zgjedhjen e tij të re. Qaka ka reaguar për herë të parë për transferimin tek Partizani përmes një postimi në rrjetin e tij social “Instagram”.
Në storyn e postuar në "Instagram", ai e ka shoqëruar foton e tij dhe me një top “të kuq”, që i përket dhe ngjyrave të kryqytetasve, postim ky që ka mërzitur dhe rivalët e demave, ekipin "bardheblu".
Lexo gjithashtu
