Është përcaktuar finalja e madhe e kampionatit të futbollit amator 9×9 “FSHF Sunday League” për edicionin 2024/2025.
Skuadrat ATS dhe Dajti do të përballen për titullin kampion, pasi siguruan kualifikimin nga gjysmëfinalet emocionuese të zhvilluara në “Shtëpinë e Futbollit”.
Të dyja sfidat gjysmëfinale ishin mjaft të forta dhe të luftuara. Në përballjen e parë, Dymbëdhjeta – ATS, nuk u shënua asnjë gol në kohën e rregullt dhe as në shtesë, duke bërë që fituesi të vendosej nga penalltitë. ATS u tregua më e saktë nga pika e bardhë, duke triumfuar me rezultatin 5-4.
Ndërkohë, mbrëmjen e djeshme u luajt gjysmëfinalja e dytë, Dajti – Luminesen, një ndeshje spektakolare që prodhoi plot gjashtë gola në kohën e rregullt, e cila u mbyll në barazim 3-3. Në kohën shtesë, Dajti realizoi golin vendimtar, duke fituar me rezultatin përfundimtar 4-3.
Finalja e madhe e “Sunday League” mes ATS dhe Dajti do të luhet të shtunën, më 10 maj, në “Shtëpinë e Futbollit”, në orën 20:00.
Rezultatet e gjysmëfinaleve, FSHF Sunday League 2024/2025:
Dymbëdhjeta – ATS 0-0 P(4-5)
Dajti – Luminesen 4-3
Finalja
ATS – Dajti 10.05.2025, “Shtëpia e Futbollit”, 20:00
Lexo gjithashtu
