Tirana fitoi ndaj Kukësit në transfertë me rezultatin 1-2 duke marrë 3 pikë të rradhës që e mbajnë në krye të renditjes. Në studion e emisionit “Skaner Superiore”, opinionistët Ermal Tahiri e Lirim Zalla, analizuan fitoren e bardhebluve duke evidentuar se kryeqytetasit fituan falë kualiteteve individuale ndërsa zotërimin e topit e patën verilindorët.
Ermal Tahiri: Kukësi kishte zotërimin e topit, ishte taktik apo jo nuk e di. Tirana u vu pak në vështirësi, pavarëissht kualiteteve që kishte Kukësi. Dy golat erdhën nga kualitetet e Tiranës. Si lojë sot Kukësi luajti mirë, por me atë mundësi që ka. Mund të shënonte më përpara, por në asnjë lloj mënyre, Tirana është ekip më lart, ka superioritet. Tirana e nënvlerësoi që në fillim. Nuk më pëlqeu shumë mesi i fushës dhe forma e sulmuesve të Tiranës.
Lirim Zalla: Tirana ishte e pamotivuar, luajti një lojë vetëm për ta zotëruar atë por jo për të rrezikuar. Nuk pati shumë sulme, ndërsa në pjesën e dytë u ndërgjegjësuan pasi duhet ta fitonin ndeshjen. Hila vendosi me një ndërhyrje të shpejtë brenda zonës, por goli i dytë ishte meritë totalisht e Latifit që dribloi dhe asistoi për Dokën. Kukësi është për mbijetesë, është në alarm për të grumbulluar pikë. Nuk premton për të kapur rezultate pozitive, goli ishte vetëm statistikë.
Lexo gjithashtu
