Aryna Sabalenka, një sportiste e lindur në Bjellorusi, mund të mos ketë një flamur por ka një titull të parë Grand Slam pasi fitoi një finale të shkëlqyer për femra, duke mundur Elena Rybakina 4-6 6-3 6-4 në dy orë e 28 minuta.

Ishte hera e shtatë radhazi në ndeshjet e Grand Slam që ajo rikthehet për të fituar pas humbjes së setit të parë. Aryna Sabalenka është bërë lojtarja e parë që garoi nën një flamur neutral për të siguruar një Grand Slam.

Mes konfliktit të vazhdueshëm në Ukrainë, organizatori i turneut Tennis Australia kërkoi që lojtarët rusë dhe bjellorusë të garonin si neutralë.

Aryna Sabalenka tani do të ngjitet në vendin e dytë në botë, duke barazuar nivelin më të lartë të karrierës së saj. Ndërkohë, sportisja ruse Elena Rybakina do të ketë ngushëllimin e hyrjes në top 10 për herë të parë, pasi arriti në finalen e saj të dytë Grand Slam në shtatë muaj.