Tim Civeja
Tashmë është zyrtare! Tim Civeja është futbollisti më i ri i skuadrës së Kalrsruher. Mesfushori shqiptar është prezantuar nga klubi ditën e sotme, përmes një njoftimi të bërë në rrjetet sociale, ku lojtarit pozon me fanellën e ekipit të tij të ri teksa firmos kontratën.
"Intensitet i lartë, gatishmëri të madhe për të vrapuar dhe një qasje e bukur e të kuptuarit lojën. Për sezonin e ri, ne nënshkruajmë me 24-vjeçarin, Tim Civeja. Paçim një kohë të suksesshme me ty, Tim", shkruan klubi gjerman në komunikimin zyrtar.
Civeja i dha fund eksperiencës tre vjeçare me Saarbrucken, duke bërë një tjetër kapërcim të rëndësishëm në karrierë dhe tashmë do të luajë në ligën e dytë gjermane për nga rëndësia.
Poll
Lexo gjithashtu
