I pafat Marash Kumbulla teksa në ndeshjen e sotme të Sassuolos përballë Genoas ishte shkaktar i një autogoli dramatik.
Mbrojtësi i Kombëtares shqiptare po zhvillonte një paraqitje mjaft të mirë me Sassuolon që po udhëhiqte deri sa u barazua në minutën e 54’, e më pas 7 minuta më vonë do të përmbysej falë autogolit të Kumbullës.
Ndeshja u mbyll me rezultatin 2-1 për Genoan dhe Sassuolo merr një humbje fatale që i dërgon me një këmbë në Serie B pasi janë 3 pikë larg zonës së sigurt kur kanë mbetur vetëm 2 ndeshje deri në fund.
Në raportin pas ndeshjes, TuttoMercatoWeb i jep notën 5 Kumbullës, më e ulëta së bashku me 4 bashkëlojtar të tjerë.
“Kumbulla 5 - Sezoni i mallkuar, ai dëmton një paraqitje të mirë ndaj Reteguit duke devijuar krosin e Ekuban në portën e gabuar”, shkruan TMW.
Lexo gjithashtu
