Ish-kampionia e Wimbledon, Elena Rybakina, kaloi lehtësisht në raundin e tretë të Grand Slam-it në bar, duke mposhtur greken Maria Sakkari me rezultat 6-3, 6-1. E 11-ta në renditje, Rybakina shfaqi siguri që nga fillimi, pasi Sakkari dhuroi një “game” me tre gabime të njëpasnjëshme në shërbim.
Edhe pse 26-vjeçarja e humbi shërbimin në fillim të setit të dytë, ajo reagoi menjëherë duke rimarrë kontrollin e lojës. Rybakina theu shërbimin e kundërshtares për të kaluar në avantazh 3-1 dhe më pas dominoi ish-numrin tre të botës.
Një gabim me “backhand” në pikën e fundit vulosi fatin e Sakkari, ndërsa Rybakina e festoi këtë fitore të merituar. Në raundin e ardhshëm, ajo do të përballet me fituesen mes danezes Clara Tauson dhe ruses Anna Kalinskaya.
Lexo gjithashtu
