Dajti, ATS, Luminesen dhe Dymbëdhjeta janë katër skuadrat gjysmëfinaliste të këtij edicioni në kampionatin amator FSHF Sunday League.
Skuadra e Dajtit siguroi kualifikimin pasi mposhti Kastriotët me rezultatin 3-1, ndërsa ATS triumfoi 2-1 ndaj VILA – L.
Ndeshja çerekfinale mes Dymbëdhjetës dhe Confucius nuk pati shumë histori, pasi Dymbëdhjeta dominoi takimin dhe fitoi me rezultatin e thellë 5-0.
Sfida më e fortë ishte mes Luminesen dhe Gaia Triumph, që u mbyll në barazim 1-1. Edhe pas kohës shtesë rezultati mbeti i pandryshuar, ndërsa nga penalltitë triumfoi Luminesen me shifrat 5-4.
Në gjysmëfinale, Dajti do të përballet me Luminesen, ndërsa ATS do të ndeshet me Dymbëdhjetën. Pas këtyre sfidave do të përcaktohen dy skuadrat finaliste të këtij edicioni në FSHF Sunday League.
A mendoni se është “shuar” ëndrra e Kombëtares shqiptare për të marrë pjesë në Botërorin e vitit 2026?
-
Po
-
Jo
-
Nuk e di
