Dritan Mehmeti ka folur në prag të ndeshjes derbi me Partizanin, që luhet nesër në “Niko Dovana”. Trajneri i dinamovitëve ka treguar se di rëndësinë e derbit, ndërsa nuk mendon se mungesat do ndikojnë.
“Përpos cilësive të skuadrave, në derbi mund të presësh gjithcka. Ka treguar historia që skuadrat kalojnë në kriza apo momente të mira, kur zhvillojnë apo fitojnë ndeshje derbi. Normalisht këto lojtarë kanë kualitet, megjithatë Partizani ka të gjithë komponentët që ta vështirëson arritjen e fitores. Nuk besoj se këto 2 mungesa do ndikojnë në rezultatin e ndeshjes. Duhet të jemi në ekuilibër dhe të mendojmë jo më shumë se ndeshjen e radhës. Është vetë kampionati që nuk na lejon të mendojmë më gjatë”, u shpreh Mehmeti.
Dinamo nuk ka fituar asnjë nga 2 ndeshjet me Partizanin këtë sezon. E para u humb në Elbasan dhe e dyta doli barazim me Mehmetin në krye te “Arena e Demave”. Pikët janë të nevojshme për t’ju afruar zonës së “final four”.
Lexo gjithashtu
