Interi është në më mbështetje të Romelu Lukakun. Zikaltërit janë përkrah sulmuesit të tyre, kundër të gjitha formave të racizmit dhe diskriminimit, prandaj dënojnë atë që ndodhi mbrëm në minutat e fundit në derbin e Italisë.
“Ne jemi vëllezër dhe motra. Ne duam të ritheksojmë me vendosmëri se qëndrojmë të bashkuar kundër racizmit dhe të gjitha formave të diskriminimit. Futbolli dhe sporti duhet të jenë jo vetëm një mjet emocionesh, por edhe vlerash të qarta dhe të përbashkëta. E pabesueshme ajo që pamë mbrëmë në minutat e fundit të gjysmëfinales së Kupës së Italisë në Torino. Për këtë arsye ne ritheksojmë të gjithë mbështetjen tonë, dashurinë dhe solidaritetin tonë me Romelu Lukaku , siç po bën bota e futbollit në shumë vende në këto orë. Hajde Rom, ne jemi me ty! ", thuhet në reagimin e Interit.
Lexo gjithashtu
