Aktori i njohur hollivudian Will Smith pozon duke bërë shqiponjën me dorë, simbol krenarie kaq i dashur për shqiptarët, por kthyer në një trend mes artistëve e futbollistëve. Shkak është bërë një shqiptar Ergys Pepaj, një futbollist që luan në Britani, të quajtur Baller League me ekipin e FC RTW.
Liga është e njohur në Britani dhe ndeshjet shfaqen në Sky Sport, ndërsa shqiptari luan si mesfushor. Por në përballjen e fundit në këtë ligë krijuar këtë vit, ai shënoi plot tre gola personal pavarësisht humbjes së skuadrës së tij, çka shkaktoi jo pak befasi dhe entuziazëm.
Në edicionin e parë të Baller League UK, që mblodhi 12 ekipe të përbëra nga yje të rrjeteve sociale dhe përmbajtës të njohur, finalja u zhvillua në Copper Box Arena. Titulli i shkoi ekipit SDS FC, por ndeshja që fitoi zemrat ishte padyshim ajo “Legjendat kundër Krijuesve”, aty ku Pepaj shkroi faqen e tij më të ndritur. Por kush është Ergys Pepaj?
I lindur në Koplik në Malsinë e Madhe Ergysi udhëtoi pa dokumenta në Britani, por shumë shpejt e gjeti veten. Ai është djali i ish-trajnerit të futbollit të vajzave Selami Pepajt dhe e gjen veten edhe si krijues lojrash futbolli në rrjetet sociale e në tik-tok.
Foto e fundit që ka nxjerrë nga Copper Box Arena me yllin hollivudian Will Smith është hedhur nga Pepaj në rrjetet sociale, duke krjuar jo pak hilaritet nga komentuesit. Ky i fundit ka qene i ftuar në ndeshjen finale të Baller League UK në edicionin e parë të këtij kampionati.
Lexo gjithashtu
