Superioria futet në fazën më kulmore teksa mbeten vetëm 9 ndeshjet e fundit për t’u luajtur. Gjithçka është ende e hapur, qoftë për titullin kampion, Europën apo dhe mbijetesën. Tirana synon vetëm titullin dhe aktualisht është dhëmbë për dhëmbë me Partizanin në kuotën e 47 pikëve.
Të hënën do të presin Kukësin në Elbasan Arena për javën e 28-të në orën 18:00 dhe fitorja është kusht. Lojtari i tyre i 12-të, tifogrupi “Tirona Fanatics” do të jetë prezent si gjithmonë dhe me një postim në rrejte sociale bën thirrje për përkrahje ndaj ekipit në rrugën drejt titullit të 30-të kampion.
“Te honen rikthehemi ne stadium, ne Elbasan aty ku lu Tirona! Kampionati luhet ne cdo top ne cdo minute tashme dhe mbeshtetja jone eshte thelbesore, drejt synimit te perbashket...titullin e 30-te Kampion! Detajet e transfertes do te dalin ne nje njoftim te dyte! Me Fanatics, Per Tironen, Per te 30-ten.”-shkruan tifogrupi.
Lexo gjithashtu
