Lajme fantastike për qytetin e Shijakut teksa mësohet se bashkia ka arritur marrëveshjen me shoqatën duke i dhënë lejen për rikonstruktimin e stadiumit Tofik Jashari. Impanti momentalisht nuk i përmbush kushtet për mbarëvajtjen e një ndeshjeje të Kategorisë Superiore dhe Erzeni është detyruar të zhvillojë ndeshjet në Niko Dovana në Durrës.
Tashmë, drita jeshile është ndezur dhe Erzeni pas plotësimit të standarteve do të rikthehet të luajë në shtëpinë e tyre. Në këtë mënyrë do të rritej edhe numri i tifozëve duke shtuar të ardhurat në arkat e shijakasve.
Erzeni momentalisht zhvillon vetëm stërvitjet aty ku po përgatitet për ndeshjen e Kupës ndaj Turbinës ditën e nesërme në orën 14:00 që do të luhet në Tofik Jashari dhe atë me Kukësin në Niko Dovana të shtunën në orën 15:00.
Lexo gjithashtu
