Spanja ka fituar përballë Belgjikës, në ndeshjen e vlefshme për çerekfinalen e Botërorit 2026. Sfida e zhvilluar në stadiumin “SoFi Stadium”, përfundoi me shifrat 2-1.
Golin e parë në këtë sfidë, e shënoi Fabian Ruiz. Mesfushori spanjoll i PSG-së e gjeti rrugën e rrjetës në minutën e 30-të. Por vetëm 11 minuta më vonë, belgët rikthyen baraspeshën me anë të Charles De Ketelaere.
Kur u mendua se gjithçka do të shkonte në shtesë, Luis de la Fuente bëri të njëjtën lëvizje si ndaj Portugalisë, duke futur në lojë Mikel Merinon. Pikërisht ky i fundit shënoi golin e fitores përballë Belgjikës, ashtu si ndaj portugezëve.
Kështu, Belgjika eliminohet nga Kupa e Botës. Në krahun tjetër, Spanja shkon në gjysmëfinale, aty ku do të kemi një përballje titanësh, pasi “Furinë e Kuqe” e pret Franca e Mbappe dhe Olise, më 14 korrik.
GOLAT:
Goli i Fabian Ruiz (Spanjë 1-0 Belgjikë)
Goli i De Ketelaere (Spanjë 1-1 Belgjikë)
Goli i Mikel Merino (Spanjë 2-1 Belgjikë)
Lexo gjithashtu
