FIFA ka përfshirë vuvuzelat në listën e sendeve të ndaluara për Kupën e Botës 2026, sipas raportimeve të mediave ndërkombëtare si Forbes. Vendimi vjen si pjesë e “kodit të sjelljes” për turneun në SHBA, Meksikë dhe Kanada, ku synohet kontrolli i zhurmës dhe rritja e sigurisë në stadiume.
Boritë plastike, të famshme nga Afrika e Jugut 2010, janë kritikuar prej vitesh për nivelin e lartë të zhurmës që shqetëson lojtarët dhe tifozët, si dhe për rreziqet shëndetësore të lidhura me përhapjen e mikrobeve. Edhe në turne të tjera, përdorimi i tyre është kufizuar ose ndaluar.
Në rregulloren e re, FIFA i ka renditur vuvuzelat së bashku me sende të tjera të ndaluara si treguesit lazer dhe disa materiale të kufizuara për arsye sigurie, duke lejuar vetëm artikujt e autorizuar brenda stadiumeve gjatë gjithë kompeticionit.
Lexo gjithashtu
